CAMPUSAREN BALDINTZAK
Campusa arrauna ezagutu eta gozatu nahi duten neska eta mutilei dago zuzenduta, 2004tik 2010era bitartean jaiotakoei, hain zuzen.
Campusa antolatzeko, astekako taldeak osatuko ditugu izen-emateak aintzat harturik. Txandak honako hauek dira:
- Ekainaren 24tik 28ra
- Uztailaren 1etik 5era
- Uztailaren 8tik 12ra
- Uztailaren 15etik 19ra
- Uztailaren 22tik 30era (25ean eta 26an ez da campusik izango).
Parte-hartzaileek igerian jakin behar dute nahitaez.
Eguneroko ordutegia hauxe da: 10:00etatik 14:00etara. Campusaren sarrera eta irteera San Nicolas arraun taldeko instalazioetan (Portugaleteko Rialia eraikinekoak) izango dira. Parte-hartzaileek kirol-arropa erosoa jantzi beharko dute. Aldageletan dutxa hartzeko aukerarik ere izango dute.
Jarduerak, oro har, arraunaren ingurukoak izango dira. Lehenik, hitzaldi teorikoa izango dute. Gimnasioan eta ur-hobian ere hastapen-ariketakegingo dituzte. Gero “patera” ontzira pasako dira; azkenik, batelera.
Estropu-tailer bat egingo dugu. Egun batean, udal igerilekuetara ere joango gara. Noizbehinkako beste jarduera batzuk ere egingo ditugu, besteak beste, bela, Getxoko aquariumerako bisitaldia, itsasadarretiko txangoa, Itsas Museorako bisitaldia eta eskalada Dock Ballontin. Oraindik, beste ekintza batzuk ere zehazteke daude.
Egunero jardunaren erdian atsedenaldi bat egingo dugu armosua hartzeko. Parte-hartzaileek egunero etxetik ekarri beharko dute azken egunean izan ezik.
Txanda bakoitzeko azken egunean antolatzaileek prestatuko dute armosua. Campusari amaiera emateko, arrapalan nahiz pantalanean bainu bat hartzeko aukera izango dute parte-hartzaileek.
Parte-hartzaileei kamiseta bana oparituko zaie.
Izen-ematerako prezioa 50 eurokoa da txandako.
Informazio gehiago: 94 495 41 71 (Club) / 627 904 111 (Zuriñe)